يا عم مينا، معلش

رحت القهوة أشربلي من الشاي كباية
أو أتنين
لاقيت مينا واقف في الشارع معرفش
جه منين
مش ده اللي مات يا جماعة
من ييجي تلات آلاف و ميتين؟
قربت منه كده
بييجي شعرة شعرتين
هو! هو مينا موحد القطرين
بتاع كتب التاريخ المنيّلة
و صفحة ويكيبيديا أمو سطرين

قلتله أهلاً و سهلاً يا عم
بَصّلي في وشي و هَب
كأنه بيصب لعنات الرب
و قاللي: أيه الهباب ده يابني؟
حالكم بقى على الحديدة خالص
ده حتى الحديد الخالص
مش بالقسوة ديا
بوظتوا شغلي و تعبي و الغالي عليا
و شعبي الواحد الأسد
صحي مرة و فجأة وافته المنية
كان عندي أمنية
عاشت شوية و بعدين ذابت
زي سكر في ميّه
و حتى دي بيتخانقوا عليها
و في الكراسي قاعدة ناس حرامية
لا بركة في مبارك ولا بشرى في البشير
و الظلم بيطحنوه و يرشوا بيه سنداوتشات الفول و الطعمية
و أنا…

بعدين  سكت شوية و حسس على ظهره

و أنا ظهري أتقسم الألف سنة الأخرانية
شقا عمري ديا! مش قصيدة ولا رباعية
ولا لعب عيال ولا هبل زي حالاتك
ياض يابن الجنية

قوم، قوم أنت يا ولد
دلني على البلد
بتاعة سما النار الزرقا
و الخَضار الهربان من الجَنّة
و الأرض البُنّي و حِنّة
قلت له يا عم مينا معلِش
إحنا فعلاً شكلنا وِحِش
قاللي يا ولد اختشي
جيت أقول له حاجة تانية
قام سابني و مشي

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s